श्रीश्रीस्वप्नविलासामृतम्
Śrī Śrī Svapna-vilāsāmṛtam
The Nectar of a Pastime within a Dream
By Śrī Viśvanātha Cakravartīpāda
Introduction
प्रिये स्वप्ने दृष्टा सरिदिनसुतेवात्र पुलिनं
यथा वृन्दारण्ये नटनपटवस्तत्र बहवः ।
मृदङ्गाद्यं वाद्यं विविधमिह कश्चिद्द्विजमणिः
स विद्युद्गौराङ्गः क्षिपति जगतीं प्रेमजलधौ ॥१॥
priye svapne dṛṣṭā sarid ina-sutevātra pulinaṁ
yathā vṛndāraṇye naṭana-paṭavas tatra bahavaḥ |
mṛdaṅgādyaṁ vādyaṁ vividham iha kaścid dvijamaṇiḥ
sa vidyud-gaurāṅgaḥ kṣipati jagatīṁ prema-jaladhau ||1||
[Rādhā says to Kṛṣṇa:] “O Beloved!
In a dream,
I saw a river like the Yamunā here [as in Vraja],
A bank as in Vṛndāvana,
Many experts in dance there [as there are here in Vraja],
And various instruments beginning with the mṛdaṅga.
A Jewel among the twice-born,
Someone of shining golden figure,
Was tossing the world into an ocean of prema.
कदाचित्कृष्णेति प्रलपति रुदन्कर्हिचिदसौ
क्व राधे हा हेति श्वसिति पतति प्रोज्झति धृतिम् ।
नटत्युल्लासेन क्वचिदपि गणैः स्वैः प्रणयिभि-
स्तृणादिब्रह्मान्तं जगदतितरां रोदयति सः ॥२॥
kadācit kṛṣṇeti pralapati rudan karhicid asau
kva rādhe hā heti śvasiti patati projjhati dhṛtim |
naṭaty ullāsena kvacid api gaṇaiḥ svaiḥ praṇayibhis
tṛṇādi-brahmāntaṁ jagad atitarāṁ rodayati saḥ ||2||
“Sometimes he was lamenting,
Crying out, ‘Kṛṣṇa!’
Sometimes he was sighing,
‘Where are you, O Rādhā! Hā! Hā!’
Sometimes he was falling down,
[Sometimes] He was losing [all his] composure,
Sometimes He was dancing with elation
Along with his own loving companions,
And sometimes he was causing the [entire] world,
From the grass up to Brahmā,
To weep profusely.
ततो बुद्धिर्भ्रान्ता मम समजनि प्रेक्ष्य किमहो
भवेत्सोऽयं कान्तः किमयमहमेवास्मि न परः ।
अहं चेत्क्व प्रेयान्मम स किल चेत्क्वाहमिति मे
भ्रमो भूयो भूयानभवदथ निद्रां गतवती ॥३॥
tato buddhir bhrāntā mama samajani prekṣya kim aho
bhavet so’yaṁ kāntaḥ kim ayam aham evāsmi na paraḥ |
ahaṁ cet kva preyān mama sa kila cet kvāham iti me
bhramo bhūyo bhūyān abhavad atha nidrāṁ gatavatī ||3||
“Then, seeing [this],
My intellect became bewildered,
[I thought,] ‘Aho!
Could he, my Beloved, be this [Jewel among the twice-born]?
[Or,] Am indeed I, and no other, this [Jewel among the twice-born]?
If I am [this Jewel among the twice-born],
Where is my Beloved?
If indeed he [viz., my Beloved] is [this Jewel among the twice-born],
Where am I?’
In this way I repeatedly felt total confusion.
Then I fell into deep sleep.”
प्रिये दृष्ट्वा तास्ताः कुतुकिनि मया दर्शितचरी
रमेशाद्या मूर्तीर्न खलु भवती विस्मयमगात् ।
कथं विप्रो विस्मापयितुमशकत्त्वां तव कथं
तथा भ्रान्तिं धत्ते स हि भवति को हन्त किमिदम् ॥४॥
priye dṛṣṭvā tās tāḥ kutukini mayā darśita-carī
rameśādyā mūrtīr na khalu bhavatī vismayam agāt |
kathaṁ vipro vismāpayitum aśakat tvāṁ tava kathaṁ
tathā bhrāntiṁ dhatte sa hi bhavati ko hanta kim idam ||4||
[Kṛṣṇa replies to Rādhā:] “O Beloved,
O Curious Girl,
You were previously shown
Forms such as the Lord of Ramā [i.e., Nārāyaṇa] by me,
And certainly no amazement occurred [in you upon seeing them].
[So,] How was this brāhmaṇa [you saw in your dream] able to amaze you?
Why do you undergo such confusion?
Who is he really?
Hanta!
What is this?”
इति प्रोच्य प्रेष्ठां क्षणमथ परामृष्य रमणो
हसन्नाकूतज्ञं व्यनुददथ तं कौस्तुभमणिम् ।
तथा दीप्तिं तेने सपदि स यथा दृष्टमिव त-
द्विलासानां लक्ष्मं स्थिरचरगणैः सर्वमभवत् ॥५॥
iti procya preṣṭhāṁ kṣaṇam atha parāmṛṣya ramaṇo
hasann ākūtajñaṁ vyanudad atha taṁ kaustubha-maṇim |
tathā dīptiṁ tene sapadi sa yathā dṛṣṭam iva tad-
vilāsānāṁ lakṣmaṁ sthira-cara-gaṇaiḥ sarvam abhavat ||5||
After speaking thus to his Beloved,
This Lover [viz., Kṛṣṇa],
Then reflected for a moment,
Smiled,
And then displayed his Kaustubha jewel,
Which was cognizant of his intention.
It then immediately emitted light
In a manner such that
All the features of those pastimes [of that brāhmaṇa]
Along with [all] the mobile and immobile entities
Became seen [again by Rādhā] just as they were [seen by her previously in her dream].
विभाव्याथ प्रोचे प्रियतम मया ज्ञातमखिलं
तवाकूतं यत्त्वं स्मितमतनुथास्तत्त्वमसि सः ।
स्फुटं यन्नावादीर्यदभिमतिरत्राप्यहमिति
स्फुरन्ती मे तस्मादहमपि स एवेत्यनुमिमे ॥६॥
vibhāvyātha proce priyatama mayā jñātam akhilaṁ
tavākūtaṁ yat tvaṁ smitam atanuthās tat tvam asi saḥ |
sphuṭaṁ yan nāvādīr yad abhimatir atrāpy aham iti
sphurantī me tasmād aham api sa evety anumime ||6||
After [seeing all this and] assessing [it all],
She then said,
“O Most Beloved,
Your entire intention has been understood by me.
Since you displayed a smile [before showing me this brāhmaṇa],
You are he [viz., this brāhmaṇa].
[Yet] Since you did not say clearly [that you are this brāhmaṇa],
And since my own sense of self,
[i.e., the feeling,] ‘I am in this [brāhmaṇa] too,’
Is apparent [to me],
I agree that I too am indeed he.
यदप्यस्माकीनं रतिपदमिदं कौस्तुभमणिं
प्रदीप्यात्रैवादीदृशदखिलजीवानपि भवान् ।
स्वशक्त्याविर्भूय स्वमखिलविलासं प्रतिजनं
निगद्य प्रेमाब्धौ पुनरपि तदाधास्यसि जगत् ॥७॥
yad apy asmākīnaṁ rati-padam idaṁ kaustubha-maṇiṁ
pradīpyātraivādīdṛśad akhila-jīvān api bhavān |
sva-śaktyāvirbhūya svam akhila-vilāsaṁ pratijanaṁ
nigadya premābdhau punar api tad ādhāsyasi jagat ||7||
“Since you have shown all jīvas as well to be [present]
Within the Kaustubha jewel,
By causing this object of fondness of ours [viz., this jewel],
To shine [as aforementioned],
[I understand that] You will also appear by means of your own potency,
Make yourself and all your pastimes known to every person,
And again place the world in the ocean of prema.
यदुक्तं गर्गेण व्रजपतिसमक्षं श्रुतिविदा
भवेत्पीतो वर्णः क्वचिदपि तवैतन्न हि मृषा ।
अतः स्वप्नः सत्यो मम च न तदा भ्रान्तिरभवत्
त्वमेवासौ साक्षादिह यदनुभूतोऽसि तदृतम् ॥८॥
yad uktaṁ gargeṇa vraja-pati-samakṣaṁ śruti-vidā
bhavet pīto varṇaḥ kvacid api tavaitan na hi mṛṣā |
ataḥ svapnaḥ satyo mama ca na tadā bhrāntir abhavat
tvam evāsau sākṣād iha yad anubhūto’si tad ṛtam ||8||
“Since it was said in the presence of Vraja’s king by Garga,
Who is conversant in the Śrutis,
That you can also sometimes have a golden complexion,
This [i.e., your appearing again as this brāhmaṇa of shining golden figure] is certainly not false.
Therefore, my dream is true,
And no bewilderment happened [to me] then.
He [viz., this brāhmaṇa] is verily you yourself,
And that which you were perceived [by me] to be in this [dream]
Is [also] real.”
पिबेद्यस्य स्वप्नामृतमिदमहो चित्तमधुपः
स सन्देहस्वप्नात्त्वरितमिह जागर्ति सुमतिः ।
अवाप्तश्चैतन्यं प्रणयजलधौ खेलति यतो
भृशं धत्ते तस्मिन्नतुलकरुणां कुञ्जनृपतिः ॥९॥
pibed yasya svapnāmṛtam idam aho citta-madhupaḥ
sa sandeha-svapnāt tvaritam iha jāgarti sumatiḥ |
avāptaś caitanyaṁ praṇaya-jaladhau khelati yato
bhṛśaṁ dhatte tasminn atula-karuṇāṁ kuñja-nṛpatiḥ ||9||
Aho!
One of fine disposition
The bee [lit., ‘nectar-drinker’] of whose heart
Shall drink this Svapnāmṛtam [lit., ‘Dream-nectar’]
Shall very soon awaken
From the dream of doubt in this regard
[i.e., in regard to the golden complexioned form in which Śrī Kṛṣṇa appears].
Becoming one who has attained “consciousness” (caitanya) [i.e., realized the identity of Śrī Caitanya],
One [then] sports in an ocean of uninhibited love
Since the King of arbors [viz., Śrī Kṛṣṇa of Vraja himself] profusely bestows
Incomparable grace upon him.
इति श्रीविश्वनाथचक्रवर्तिठाकुरविरचितस्तवामृतलहर्यां श्रीस्वप्नविलासामृताष्टकं सम्पूर्णम् ।
iti śrī-viśvanātha-cakravarti-ṭhākura-viracita-stavāmṛta-laharyāṁ svapna-vilāsāmṛtāṣṭakaṁ sampūrṇam |
Thus, Svapna-vilāsāmṛtam in Stavāmṛta-laharī composed by Śrī Viśvanātha Cakravartī Ṭhākura is complete.
Meter
Śikhariṇī
Sources
Stavāmṛta-laharī edition by Haribhakta Dāsa and Svapna-vilāsāmṛta edition by Pramoda Gopāla Bhakti Śāstrī.