श्रीश्रीरूपसनातनस्तोत्रम्
Śrī Śrī Rūpa-Sanātana-stotram
A poem of praise and prayer to Śrī Rūpa and Śrī Sanātana
By Śrī Govardhana Bhaṭṭa
Introduction
Śrī Govardhana Bhaṭṭa is a fourth generation descendant of Śrī Gadādhara Bhaṭṭa, a celebrated poet and disciple of Śrī Raghunātha Bhaṭṭa Gosvāmī who came to Vṛndāvana at Śrī Jīva Gosvāmī’s exhortation after Śrī Jīvapāda heard one of Śrī Gadādhara Bhaṭṭa’s poems. Śrī Govardhana Bhaṭṭa’s ancestral lineage is as follows: Śrī Gadādhara Bhaṭṭa > Śrī Rasikottaṁsa > Śrī Kṛṣṇa Bhaṭṭa > Śrī Lāla Bhaṭṭa > Śrī Govardhana Bhaṭṭa. Śrī Govardhana Bhaṭta was a contemporary in Vraja Maṇḍala of Śrī Viśvanātha Cakravartīpāda, whom he praises in one of his Sanskrit words, the Vaiṣṇava-vandanā. Śrī Govardhana Bhaṭta also praises his father, Śrī Lāla Bhaṭṭa, as being his śikṣā-guru in verse five of this Rūpa-Sanātana-stotram and in verses four to seven of his Rādhā-kuṇḍa-stava. It is further understood from a Sanskrit commentary on another work of Śrī Govardhana Bhaṭṭa, the Madhu-kelivallī, that Śrī Govardhana Bhaṭṭa is initiated in the disciplic line of his ancestor Śrī Gadādhara Bhaṭṭa, as would be expected, but the exact name of his guru is not known from his writings, as Śrī Govardhana Bhaṭṭa offers homage to his guru in verse three of his Rādhā-kuṇḍa-stava but does not mention his guru’s name.
The following is a hymn of forty-nine verses in which Śrī Govardhana Bhaṭṭa praises and offers prayers to Śrī Rūpa Gosvāmīpāda and Śrī Sanātana Gosvāmīpāda.
रत्नं केचिदवाप्य सन्तु मुदिता मुक्तेन्द्रनीलादिकं
ब्रह्मानन्दपरा भवन्त्विह परे केचित्परेशोन्मुखाः ।
श्रीवैयासकिचित्तसम्पुटगतं गौरानुगोद्घाटितं
राधाकाञ्चनरेखिकं मरकतं चिन्मो वयं गोकुले ॥१॥
ratnaṁ kecid avāpya santu muditā muktendra-nīlādikaṁ
brahmānanda-parā bhavantv iha pare kecit pareśonmukhāḥ |
śrī-vaiyāsaki-citta-sampuṭa-gataṁ gaurānugodghāṭitaṁ
rādhā-kāñcana-rekhikaṁ marakataṁ cinmo vayaṁ gokule ||1||
Here [in this world],
Some may become delighted by obtaining a jewel,
Such as a pearl or sapphire.
Others may become absorbed in the bliss of Brahman.
Some [others] may become intent upon the Supreme Īśa [viz., Nārāyaṇa].
We [on the contrary] seek the Emerald
Inlaid with the golden streak of Rādhā
In Gokula,
Who was held in the casket of the heart
Of the blessed son of Vyāsa [viz., Śrī Śukadeva],
And has been revealed by followers of Gaura.
राधाभावाभिपूर्णं व्रजरसधयनोद्भूतघूर्णं सुतूर्णं
नृत्यन्तं भक्तमध्ये निरूपममधुरे कीर्तने कृष्णनाम्नाम् ।
वर्षन्तं प्रेमसिन्धुं परमकरुणया प्लावयन्तं त्रिलोकीं
वन्दे चैतन्यदेवं परिजनसहितं चारुचामीकराभम् ॥२॥
rādhā-bhāvābhipūrṇaṁ vraja-rasa-dhayanodbhūta-ghūrṇaṁ sutūrṇaṁ
nṛtyantaṁ bhakta-madhye nirūpama-madhure kīrtane kṛṣṇa-nāmnām |
varṣantaṁ prema-sindhuṁ parama-karuṇayā plāvayantaṁ trilokīṁ
vande caitanya-devaṁ parijana-sahitaṁ cāru-cāmīkarābham ||2||
[He who is] Completely filled with Rādhā’s bhāva,
Whirling about
As a result of drinking the rasa of Vraja,
Very briskly dancing
Amid bhaktas
And the incomparable sweetness
Of kīrtana of Kṛṣṇa’s names,
Showering down an ocean of prema,
And out of paramount compassion
Flooding the three worlds [with that prema]—
I offer obeisance to he of charming golden luster,
Attended by his companions,
Caitanyadeva.
श्रीचैतन्यहरेर्वियोगविकलो यः क्षेत्रसन्न्यासवान्
अप्यारात्परिहृत्य धाम जगतां नाथस्य पश्चाद्ययौ ।
वर्षन्प्रेमपयोनिधिं जयति यो गोविन्दपादाब्जयोः
वन्दे श्रीलगदाधरं पुरुदयं तं राधिकारूपिणम् ॥३॥
śrī-caitanya-harer viyoga-vikalo yaḥ kṣetra-sannyāsavān
apy ārāt parihṛtya dhāma jagatāṁ nāthasya paścād yayau |
varṣan prema-payonidhiṁ jayati yo govinda-pādābjayoḥ
vande śrīla-gadādharaṁ puru-dayaṁ taṁ rādhikā-rūpiṇam ||3||
[He] Who being disconcerted by separation
From Śrī Caitanya Hari
Immediately forsook
The abode of the Lord of the universe [viz., Jagannātha Purī]
And went after [Śrī Caitanya]
Although [he was] a votary of kṣetra-sannyāsa,
And who triumphs showering down
A milk-ocean of prema
For the lotus feet of Govinda—
I offer obeisance to him,
Śrīla Gadādhara,
Abounding in compassion,
A form of Rādhikā.
श्रीगोविन्दाङ्घ्रिकञ्जारुणरुचिनिरतान्राधिकादास्यसिन्धौ
मग्नान्श्रुत्वा पुराणोच्चयमधिहृदयं निश्चितात्मेशतत्त्वान् ।
दुर्बोधान्दुष्टवृन्दैर्व्रजपतितनयासक्तभक्तातिमान्यान्
वन्देऽनन्तप्रभावानपरिमितकलापूरितांस्तीर्थपादान् ॥४॥
śrī-govindāṅghri-kañjāruṇa-ruci-niratān rādhikā-dāsya-sindhau
magnān śrutvā purāṇoccayam adhi-hṛdayaṁ niścitātmeśa-tattvān |
durbodhān duṣṭa-vṛndair vraja-pati-tanayāsakta-bhaktātimānyān
vande’nanta-prabhāvān aparimita-kalā-pūritāṁs tīrtha-pādān ||4||
Devoted to the reddish luster of the lotus
Of Śrī Govinda’s feet,
Absorbed in the ocean of servitude to Rādhikā,
Resolute in regard to the essential nature (tattva)
Of the Lord of the heart (Ātmeśa) [alt., of the self (ātmā) and the Lord (Īśa)]
After hearing the true knowledge [lit., heart] (hṛdayam)
[Found] In the multitudes of Purāṇas,
Difficult to understand for the wicked,
And highly honorable for bhaktas
Devoted to the Prince of Vraja—
I offer obeisance to the tīrthapādas [lit., “they whose feet worthy objects of worship”]
Endowed with unlimited potency
And replete with boundless ingenuity [alt., arts].
प्राणोत्क्रान्तिकफावरोधसमये श्रीरासलीलोत्सवं
वंशीगीतमतिप्रमोदसहितो यो युग्मगीतं तथा ।
प्राकर्ण्यामलकृष्णनाम वदने गायन्वने माधवं
दृष्ट्वोत्थाय जहावसून्स्वपितरं तं नौमि शिक्षागुरुम् ॥५॥
prāṇotkrānti-kaphāvarodha-samaye śrī-rāsa-līlotsavaṁ
vaṁśī-gītam ati-pramoda-sahito yo yugma-gītaṁ tathā |
prākarṇyāmala-kṛṣṇa-nāma vadane gāyan vane mādhavaṁ
dṛṣṭvotthāya jahāv asūn svapitaraṁ taṁ naumi śikṣā-gurum ||5||
[He] Who listened closely
With great delight
To the blessed Rāsa-līlā festival [i.e., SB 10.29–33],
The Vaṁśī-gīta [i.e., the Veṇu-gītā, SB 10.21],
And the Yugma-gīta [i.e., the Yugala-gītā, SB 10.35]
At the time of blockage [of the throat] because of phlegm
During the departing of the vital airs (prāṇas) [from the body],
[Yet then] Sang the taintless name of Kṛṣṇa with his mouth,
Beheld Mādhava in the forest,
Arose,
And cast away the vital airs [of his own accord]—
I praise him,
My father and instructing (śikṣā)- guru [viz., Śrī Lāla Bhaṭṭa].
श्रीवृन्दाविपिनं च गोकुलभुवं गोपीगणं राधिकां
गोविन्दं सकलं च वैष्णवमतं नानागमेषु स्थितम् ।
मन्दो वेद यदीययैव दयया चैतन्यदेवानुगं
दीनोद्धारविशारदं नमत तं रूपाग्रजं सन्ततम् ॥६॥
śrī-vṛndā-vipinaṁ ca gokula-bhuvaṁ gopī-gaṇaṁ rādhikāṁ
govindaṁ sakalaṁ ca vaiṣṇava-mataṁ nānāgameṣu sthitam |
mando veda yadīyayaiva dayayā caitanya-devānugaṁ
dīnoddhāra-viśāradaṁ namata taṁ rūpāgrajaṁ santatam ||6||
[He] By whose grace a fool understands
The blessed forest of Vṛndā,
The abode of Gokula,
The gopīs,
Rādhikā,
Govinda,
And the entire worldview of the Vaiṣṇavas
Established in the various Āgamas—
May you all continuously offer obeisance to him,
The follower of Caitanyadeva
And elder brother of Rūpa [viz., Śrī Sanātana Gosvāmī]
Adept in delivering the humble.
मूढोऽहं विषयाभिलाषवलितः संसारमार्गे भ्रमन्
क्व श्रीमद्वृषभानुजाचरणयोर्दास्योत्सवो वा क्व च ।
किन्तु त्वत्करुणानदीं सुविपुलां विश्वं पुनन्तीं वला-
दाचाण्डालमिमां विचार्य मुदितो रूपाग्रज त्वां भजे ॥७॥
mūḍho’haṁ viṣayābhilāṣa-valitaḥ saṁsāra-mārge bhraman
kva śrīmad-vṛṣabhānujā-caraṇayor dāsyotsavo vā kva ca |
kintu tvat-karuṇā-nadīṁ suvipulāṁ viśvaṁ punantīṁ valād
ācāṇḍālam imāṁ vicārya mudito rūpāgraja tvāṁ bhaje ||7||
Where am I,
A fool
Enmeshed in desires for objects of the senses
Roaming along the path of saṁsāra?
And where is the festival of servitude
To the blessed feet of Vṛṣabhānu’s Daughter?
[I feel myself to be far, far away from that ultimate blessedness.]
Yet by contemplating this river of your compassion,
So expansive
And forcibly purifying of the [entire] world,
Including [even] outcastes,
I become delighted and worship you,
O elder brother of Rūpa!
यो राज्यं परिहृत्य पूर्वजयुतो निष्कण्टकं स्वेच्छया
श्रीचैतन्यपदारविन्दयुगलं धृत्वा मनस्युन्मदः ।
आगत्य व्रजभूमिवासमभितो वर्षन्रसाम्भोनिधीं
श्चक्रे श्रीयुतरूप स त्वमधमं मां स्वीयमङ्गीकुरु ॥८॥
yo rājyaṁ parihṛtya pūrvaja-yuto niṣkaṇṭakaṁ svecchayā
śrī-caitanya-padāravinda-yugalaṁ dhṛtvā manasy unmadaḥ |
āgatya vraja-bhūmi-vāsam abhito varṣan rasāmbhonidhīṁś
cakre śrīyuta-rūpa sa tvam adhamaṁ māṁ svīyam aṅgīkuru ||8||
He who,
Accompanied by his elder brother,
By his own wish
Forsook a thornless [i.e., trouble-free] kingdom,
Grasp the two lotus feet of Śrī Caitanya,
Became maddened at heart,
Took up residence in the land of Vraja,
Produced an ocean of rasa
And showered that [rasa] in all directions—
O blessed Rūpa!
May you accept me,
The lowest,
As your own.
ग्रन्थालीं ललितां महोज्ज्वलरसां गान्धर्विकामाधव
-
क्रीडाभिर्वलितां कवीश्वरनुतां चैतन्यदेवाज्ञया ।
विश्वं मोहघनान्धकारपतितं वीक्ष्यानुकम्पायुतः
श्रीरूपः प्रकटीचकार यमुनातीरे कुटीरे स्थितः ॥९॥
granthālīṁ lalitāṁ mahojjvala-rasāṁ gāndharvikā-mādhava-
krīḍābhir valitāṁ kavīśvara-nutāṁ caitanya-devājñayā |
viśvaṁ moha-ghanāndhakāra-patitaṁ vīkṣyānukampā-yutaḥ
śrī-rūpaḥ prakaṭīcakāra yamunā-tīre kuṭīre sthitaḥ ||9||
Seeing the world sunk in the dense darkness of delusion
And becoming filled with compassion,
Blessed Rūpa,
Situated in a cottage
On the bank of the Yamunā,
Composed on the order of Caitanyadeva
Elegant texts about paramount ujjvala-rasa [i.e., madhura-rasa]
Which are replete with the plays of Gāndharvikā and Mādhava
And praised by master poets.
यत्काव्यं हृदयान्तरालमिलितश्रीगौरचन्द्रेरितं
राधाकृष्णविलाससञ्चयचितं वृन्दावनश्रीभृतम् ।
श्रुत्वा नन्दतनूजभक्तनिकराः कम्पाश्रुरोमाञ्चिताः
उद्घूर्णन्ति लुठन्ति मत्तमनसः कूर्दन्ति नृत्यन्ति च ॥१०॥
तं राधापदपद्मसेवनरतं चैतन्यदेवप्रियं
वृन्दारण्यविलासरक्तमनसं गोपाङ्गनाभाविनम् ।
कृष्णातीरकुटीरवर्तिममलं रूपं समाश्रित्य यो
वर्त्तेत प्रसभं तदीयहृदये भक्तिर्नरीनृत्यते ॥११॥
yat-kāvyaṁ hṛdayāntarāla-milita-śrī-gauracandreritaṁ
rādhā-kṛṣṇa-vilāsa-sañcaya-citaṁ vṛndāvana-śrī-bhṛtam |
śrutvā nanda-tanūja-bhakta-nikarāḥ kampāśru-romāñcitāḥ
udghūrṇanti luṭhanti matta-manasaḥ kūrdanti nṛtyanti ca ||10||
taṁ rādhā-pada-padma-sevana-rataṁ caitanya-deva-priyaṁ
vṛndāraṇya-vilāsa-rakta-manasaṁ gopāṅganā-bhāvinam |
kṛṣṇā-tīra-kuṭīra-vartim amalaṁ rūpaṁ samāśritya yo
vartteta prasabhaṁ tadīya-hṛdaye bhaktir narī-nṛtyate ||11||
By hearing whose poetry—
Which was inspired by Śrī Gauracandra
[As he was] Met with in the interior of the heart,
Which is filled with multitudes of Rādhā and Kṛṣṇa’s sports,
And which is replete with the beauty of Vṛndāvana—
Multitudes of bhaktas of the Son of Nanda
Experience trembling, tears, and horripilation,
Waver,
Roll about,
Becoming of maddened mind,
Leap around,
And dance—
In the heart of one who can proceed
Taking shelter in full in him,
Taintless Rūpa,
Who is devoted to the service of the lotus feet of Rādhā,
Dear to Caitanyadeva,
Of mind fixed upon the sports of Vṛndāvana,
Absorbed in meditation upon the gopīs,
And situated in a cottage on the bank of the Kṛṣṇā [i.e., Yamunā],
Bhakti dances profusely.
तावद्घोरकलिव्यथाकुलहृदस्तावच्च कर्मातुरा-
स्तावद्योगकलाकलापवलितास्तावच्च नैयायिकाः ।
तावद्ब्रह्मरता भवन्ति मनुजाः ग्रन्थाः न गौरप्रियाः
यावत्कर्णपथं प्रयान्ति तरसा श्रीरूपवक्त्रोद्गताः ॥१२॥
tāvad ghora-kali-vyathākula-hṛdas tāvac ca karmāturās
tāvad yoga-kalā-kalāpa-valitās tāvac ca naiyāyikāḥ |
tāvad brahma-ratā bhavanti manujāḥ granthāḥ na gaura-priyāḥ
yāvat karṇa-pathaṁ prayānti tarasā śrī-rūpa-vaktrodgatāḥ ||12||
Human beings remain
For so long of heart filled with anguish created by frightful Kali,
For so long eager for karma,
For so long involved in the multitude of yoga’s arts,
For so long naiyāyikas [i.e., students of Indic logic (nyāya)],
And for so long intent upon Brahman—
So long as the texts dear to Gaura
Arising from the mouth of blessed Rūpa
Do not forcibly enter the path of the ear.
श्रीमद्रूपमुखाम्बुजाद्विगलितं चैतन्यदेवेच्छया
राधाकृष्णरसाम्बुधिं निरवधि प्रेमोन्मदा भूतले ।
चित्रं भक्तजनाः पिबन्ति सततं ये कुम्भजातायिता-
स्तेषां हा द्विगुणीभवत्यनुदिनं तत्रैव तृष्णा पुनः ॥१३॥
śrīmad-rūpa-mukhāmbujād vigalitaṁ caitanya-devecchayā
rādhā-kṛṣṇa-rasāmbudhiṁ niravadhi premonmadā bhū-tale |
citraṁ bhakta-janāḥ pibanti satataṁ ye kumbhajātāyitās
teṣāṁ hā dviguṇībhavaty anudinaṁ tatraiva tṛṣṇā punaḥ ||13||
Bhaktas on the surface of the earth
Endlessly maddened by prema
Who like he born of the urn [viz., Agastya Muni]
Drink continuously
From the wondrous ocean of Rādhā and Kṛṣṇa’s rasa
That has secreted from the lotus
Of blessed Rūpa’s mouth
By the wish of Caitanyadeva—
Hā!—
Their thirst for that alone
Doubles daily anew.
तुण्डे ताण्डविनीति मुख्यललितश्लोकावलीं यत्कृतां
मुक्ताभान्यतुलाक्षराणि च हरिर्गौरो विलोक्योन्मदः ।
घूर्णन्भक्तवृतो ननर्त्त सहसा यं सप्रमोदं स्तुवन्
को राधापददास्यमत्र लभते तं रूपसङ्गं विना ॥१४॥
tuṇḍe tāṇḍavinīti mukhya-lalita-ślokāvalīṁ yat-kṛtāṁ
muktābhāny atulākṣarāṇi ca harir gauro vilokyonmadaḥ |
ghūrṇan bhakta-vṛto nanarta sahasā yaṁ sapramodaṁ stuvan
ko rādhā-pada-dāsyam atra labhate taṁ rūpa-saṅgaṁ vinā ||14||
He by whom preeminent, elegant verses like tuṇḍe tāṇḍavinī … were composed,
[He] Whom Hari—Gaura—immediately praised with delight
After seeing the incomparable [hand-written] letters resembling pearls [he had written]
As he [viz., Gaura] became maddened,
Whirled about,
And danced surrounded by bhaktas—
Who here [in this world] can attain servitude to Rādhā’s feet
Without the company of him, Rūpa?
येनाशेषमिदं जगद्व्रजरसाम्भोधौ समाप्लावितं
यन्नामापि निशम्य कृष्णचरणे प्राप्नोति भक्तिं जनः ।
सोऽयं यस्य मनस्यमन्दकृपया चैतन्यदेवो हरिः
स्वं सर्वस्वमणिं दधौ वद सखे रूपात्परः को भुवि ॥१५॥
yenāśeṣam idaṁ jagad vraja-rasāmbhodhau samāplāvitaṁ
yan-nāmāpi niśamya kṛṣṇa-caraṇe prāpnoti bhaktiṁ janaḥ |
so’yaṁ yasya manasy amanda-kṛpayā caitanya-devo hariḥ
svaṁ sarvasva-maṇiṁ dadhau vada sakhe rūpāt paraḥ ko bhuvi ||15||
He by whom this entire world
Has been completely submerged
In the ocean of Vraja’s rasa,
[He] Even by hearing whose name
A person attains bhakti to Kṛṣṇa’s feet,
And [he] in whose heart Caitanyadeva—Hari,
Out of immense grace,
Placed the jewel of his own wealth in totality—
Pray tell,
O friend,
Who on the earth is greater than [he,] Rūpa?
अटन्कूले कूले तरणिदुहितुर्निर्व्यधिरटन्
व्रजेन्दोर्नामानि क्वचिदपि नटन्प्रेमविवशः ।
लिखन्राधानन्दात्मजललितकेलिं क्वचिदपि
स्मरन्गौरं शृण्वन्क्वचिदपि च रूपो विलसति ॥१६॥
aṭan kūle kūle taraṇi-duhitur nirvyadhiraṭan
vrajendor nāmāni kvacid api naṭan prema-vivaśaḥ |
likhan rādhā-nandātmaja-lalita-keliṁ kvacid api
smaran gauraṁ śṛṇvan kvacid api ca rūpo vilasati ||16||
Sometimes roaming about along the banks of the Daughter of the Sun [viz., the Yamunā],
[Sometimes] Calling out continuously
The names of Vraja’s Moon,
[Sometimes] Dancing overwhelmed by prema,
[Sometimes] Writing of the charming play of Rādhā and Nanda’s Son,
Sometimes remembering Gaura,
And sometimes listening,
Rūpa sports [in Vraja].
कन्थामेकां दधानः करकयुतकरो राधिकाकान्तलीलां
गायन्ध्यायन्समोदं द्रुमतलवसतिः कृष्णनामानि गृहन् ।
कुर्वन्रोलम्बभिक्षां क्वचिदपि परमाद्ब्राह्मणात्स्थूलवृत्तिं
रूपो नीचस्तृणेभ्यस्तरुरिव सहनो राजते काननान्तः ॥१७॥
kanthām ekāṁ dadhānaḥ karaka-yuta-karo rādhikā-kānta-līlāṁ
gāyan dhyāyan samodaṁ druma-tala-vasatiḥ kṛṣṇa-nāmāni gṛhan |
kurvan rolamba-bhikṣāṁ kvacid api paramād brāhmaṇāt sthūla-vṛttiṁ
rūpo nīcas tṛṇebhyas tarur iva sahano rājate kānanāntaḥ ||17||
Wearing a single quilt,
Bearing a water-pot in hand,
Delightedly singing and meditating
On the līlā of Rādhikā’s Beloved,
Dwelling at the base of tree,
Taking Kṛṣṇa’s names,
Accepting alms like a bee (mādhukari-bhikṣā),
Or sometimes a full meal (sthūla-bhikṣā)
From a well-to-do brāhmaṇa—
Rūpa—
Lower than the grass
And tolerant like tree—
Dwells on the edge of the forest [in Vraja].
गान्धर्वापदपद्मदास्यनिरतश्चैतन्यदेवप्रियः
श्रीगोविन्दकृपावलोकनपरो वृन्दाटवीकामुकः ।
भक्तप्रीतिकृदन्वहं नतशिरो भूतावलीमाननः
पीयूषाधिकभाषितो विजयते रूपानुयायी जनः ॥१८॥
gāndharvā-pada-padma-dāsya-nirataś caitanya-deva-priyaḥ
śrī-govinda-kṛpāvalokana-paro vṛndāṭavī-kāmukaḥ |
bhakta-prīti-kṛd anvahaṁ nata-śiro bhūtāvalī-mānanaḥ
pīyūṣādhika-bhāṣito vijayate rūpānuyāyī janaḥ ||18||
Devoted to servitude
To the lotus feet of Gāndharvā,
Dear to Caitanyadeva,
Given to observing the grace of blessed Govinda,
Desirous of Vṛndāvana,
A pleaser of bhaktas,
Daily of bowed head,
Honoring of all beings,
And of speech superior to nectar,
A person following Rūpa
Triumphs!
दुर्दान्तेन्द्रियसञ्चयोऽपि विहितानन्तापराधोऽप्यसत्-
सङ्गेनोज्झितमाधवोऽपि कलितान्यस्त्रीप्रसङ्गोऽपि च ।
चैतन्यप्रियपार्षदोत्तमनुतं कारुण्यपूर्णान्तरं
श्रीरूपं परिचर्य पर्यटति कः संसारपाथोनिधौ ॥१९॥
durdāntendriya-sañcayo’pi vihitānantāparādho’py asat-
saṅgenojjhita-mādhavo’pi kalitānya-strī-prasaṅgo’pi ca |
caitanya-priya-pārṣadottama-nutaṁ kāruṇya-pūrṇāntaraṁ
śrī-rūpaṁ paricarya paryaṭati kaḥ saṁsāra-pāthonidhau ||19||
Although possessed of uncontrolled senses,
Although having committed endless offenses,
Although having rejected Mādhava
As a result of unwholesome company (asat-saṅga),
And although having engaged in an affair with someone else’s wife,
Who wanders [any further] in the ocean of saṁsāra
After serving blessed Rūpa,
Who is praised by the best
Of Caitanya’s dear companions
And at heart filled with compassion?
केचिद्घोरकलिप्रभावविजिताः पाषण्डमार्गे गताः
केचित्कर्मरताः परेऽवकलितज्ञानाध्वविश्रान्तयः ।
केचिद्भक्तिविभूषिताः सुविरलास्तत्रापि कृष्णोत्सुकाः
श्रीराधापददास्यलम्पटहृदः के सन्ति रूपं विना ॥२०॥
kecid ghora-kali-prabhāva-vijitāḥ pāṣaṇḍa-mārge gatāḥ
kecit karma-ratāḥ pare’vakalita-jñānādhva-viśrāntayaḥ |
kecid bhakti-vibhūṣitāḥ suviralās tatrāpi kṛṣṇotsukāḥ
śrī-rādhā-pada-dāsya-lampaṭa-hṛdaḥ ke santi rūpaṁ vinā ||20||
Some become conquered
By the power of frightful Kali,
Some follow a heretical path,
Some become devoted to karma,
Others find relief on the path of jñāna,
And some become adorned with bhakti.
Very rare ones even among them become eagerly desirous of Kṛṣṇa.
[But] Who [among even those very rare bhaktas] becomes of heart covetous of servitude
To the blessed feet of Rādhā
Without Rūpa?
हित्वा रूपपदाम्बुजं भवति यो राधाङ्घ्रिदास्योत्सुक-
स्तुङ्गं गेहमसौ तनोति न कथं रम्ये स्थले सैकते ।
बाहुभ्यां त्रिदिवं स्पृशेन्न हि कथं नो वा कथं च्छादयेत्
तूर्णं भूरिरजोभिरम्बरमणि पङ्गुं न किं चालयेत् ॥२१॥
hitvā rūpa-padāmbujaṁ bhavati yo rādhāṅghri-dāsyotsukas
tuṅgaṁ geham asau tanoti na kathaṁ ramye sthale saikate |
bāhubhyāṁ tridivaṁ spṛśen na hi kathaṁ no vā kathaṁ cchādayet
tūrṇaṁ bhūri-rajobhir ambara-maṇiṁ paṅguṁ na kiṁ cālayet ||21||
Disregarding the lotus feet of Rūpa,
Does one who is eagerly desirous
Of servitude to the feet of Rādhā
Not [in effect] build a lofty house
In a pleasant spot on a sand-bank?
Can one not touch the heavens with one’s arms?
Can one not quickly cover the sun with a bunch of dust?
Can one not make a lame person walk?
गोपीभावतरङ्गरञ्जितमनोश्चैतन्यदेवो हरि-
स्तेषामेति कथं हृदं क्व च कथा राधापदाम्भोजयोः ।
वृन्दाकाननमाधुरी श्रुतिगता तेषां विदूरे नृणां
श्रीरूपाङ्घ्रिसरोजभक्तिमिह ये कुर्वन्ति नो दुर्मदाः ॥२२॥
gopī-bhāva-taraṅga-rañjita-manoś caitanya-devo haris
teṣām eti kathaṁ hṛdaṁ kva ca kathā rādhā-padāmbhojayoḥ |
vṛndākānana-mādhurī śruti-gatā teṣāṁ vidūre nṛṇāṁ
śrī-rūpāṅghri-saroja-bhaktim iha ye kurvanti no durmadāḥ ||22||
The arrogant in this world
Who do not foster bhakti to the blessed lotus feet of Rūpa—
Would Caitanyadeva—Hari,
Of mind delighted by the waves of the gopīs’ bhāva,
Come to the heart
Of those persons?
And where would discussion of Rādhā’s lotus feet [be]?
The sweetness of Vṛndāvana that is heard about
Remains afar from them.
श्रीगोविन्दपदारविन्दयुगलं कालाहितापापहं
वृन्दाकाननभूषणं व्रजवधूनेत्रालिभिः पूजितम् ।
श्रीराधाकुचकुट्मलान्तरगतं ध्येयं रसज्ञोत्तमैः
को लोके विदधाति लोचनपुरो रूपं दयालुं विना ॥२३॥
śrī-govinda-padāravinda-yugalaṁ kālāhi-tāpāpahaṁ
vṛndākānana-bhūṣaṇaṁ vraja-vadhū-netrālibhiḥ pūjitam |
śrī-rādhā-kuca-kuṭmalāntara-gataṁ dhyeyaṁ rasajñottamaiḥ
ko loke vidadhāti locana-puro rūpaṁ dayāluṁ vinā ||23||
What abode of eyes in this world [i.e., what seer]
Procures the two blessed lotus feet of Govinda—
The removers of the suffering caused by the serpent of time,
The ornaments of Vṛndāvana,
They which are worshiped by the eyes of the ladies of Vraja,
They which are situated atop
The opening buds of blessed Rādhā’s breasts,
They which are to be meditated upon
By the best among connoisseurs of rasa—
Without gracious Rūpa?
कः श्रीभागवतस्य तत्त्वममलं बोद्धुं क्षमो भूतले
को वृन्दावनमाधुरीं कलयितुं वक्तुं च धत्ते मतिम् ।
गोष्ठेन्द्रात्मजरूपमद्भूततमं को वा नयेन्मानसं
श्रीमन्तं करुणाकरं गुणनिधिं रूपं सबन्धुं विना ॥२४॥
kaḥ śrī-bhāgavatasya tattvam amalaṁ boddhuṁ kṣamo bhū-tale
ko vṛndāvana-mādhurīṁ kalayituṁ vaktuṁ ca dhatte matim |
goṣṭhendrāmala-rūpam adbhutatamaṁ ko vā nayen mānasaṁ
śrīmantaṁ karuṇākaraṁ guṇa-nidhiṁ rūpaṁ sabandhuṁ vinā ||24||
Who on the surface of the earth
Is able to understand
The taintless truth of Śrīmad Bhāgavatam,
Who can cause the intellect to grasp and describe
The sweetness of Vṛndāvana,
And who can fix the mind
On the supremely astonishing, taintless figure
Of the cowherd village Prince,
Without the blessed reservoir of compassion
And treasury of qualities
Rūpa,
Along with his relations
[e.g., his elder brother Sanātana, nephew Jīva, and other companions]?
श्रीगोवर्द्धनघट्टवर्त्ममिलितां राधां पुरो
माधवे-
नारुद्धां कुटिलभ्रुवं विरचितानन्दाब्धिपूराप्लवाम् ।
आलोक्यामितवाग्विलासमभितश्चक्रुः प्रमोदेन यं
सख्यस्तं जगति स्फुटं कथयितुं रूपं विना कः क्षमः ॥२५॥
śrī-govardhana-ghaṭṭa-vartma-militāṁ rādhāṁ puro
mādhave-
nāruddhāṁ kuṭila-bhruvaṁ viracitānandābdhi-pūrāplavām |
ālokyāmita-vāg-vilāsam abhitaś cakruḥ pramodena yaṁ
sakhyas taṁ jagati sphuṭaṁ kathayituṁ rūpaṁ vinā kaḥ kṣamaḥ ||25||
Who in this world is able to vividly describe
That boundless play of words
The sakhīs created on all sides with delight
Upon seeing Rādhā
Being met and stopped in the fore
On the path beside the toll station at beautiful Govardhana
By Mādhava,
Exhibiting knitted brows,
And becoming embellished by a showering
In the abounding waters
Of an ocean of bliss
Without Rūpa?
यो नाट्ये राधिकाया व्यतनुत परमां प्रेमपाथोधिसीमा
-
मुद्घूर्णाचित्रजल्पादिकविकृतिचितां कृष्णरूपार्तिरूढाम् ।
गूढां मूढैर्मनुष्याकृतिपशुनिवहैर्नादृतां गौरवेद्यां
स श्रीरूपः कदा मां निजजनगणनान्तः करिष्यत्यनाथम् ॥२६॥
yo nāṭye rādhikāyā vyatanuta paramāṁ prema-pāthodhi-sīmā
m
udghūrṇā-citra-jalpādika-vikṛti-citāṁ kṛṣṇa-rūpārti-rūḍhām |
gūḍhāṁ mūḍhair manuṣyākṛti-paśu-nivahair nādṛtāṁ gaura-vedyāṁ
sa śrī-rūpaḥ kadā māṁ nija-jana-gaṇanāntaḥ kariṣyaty anātham ||26||
He who exhibited in a drama
The ultimate limit of the ocean of Rādhikā’s prema,
The multitude of her emotional expressions
Like (udghūrṇā) and flustered speech (citra-jalpa),
And [her] intense heartache because of Kṛṣṇa’s beauty,
Which are hidden from fools,
Not honored by the multitudes of animals with human forms,
And to be understood by Gaura—
When will [he,] blessed Rūpa,
Include poor me
Within the count of his own persons?
राधायाः पूर्वरागं व्रजपतितनयस्याप्यसाधारणं यं
गायन्त्यश्रुप्लुताक्षाः पुलकितवपुषः स्वेदिनो भक्तवर्याः ।
मानं कृष्णप्रवासं प्रणयच यचितापारसम्भोगभेदा
-
नाविश्चक्रे कृपालुः कलिमल निवहध्वंसनः श्रीलरूपः ॥२७॥
rādhāyāḥ pūrvarāgaṁ vraja-pati-tanayasyāpy asādhāraṇaṁ yaṁ
gāyanty aśru-plutākṣāḥ pulakita-vapuṣaḥ svedino bhakta-varyāḥ |
mānaṁ kṛṣṇa-pravāsaṁ praṇaya-caya-citāpāra-sambhoga-bhedā
n
āviścakre kṛpāluḥ kali-mala-nivaha-dhvaṁsanaḥ śrīla-rūpaḥ ||27||
Gracious and blessed Rūpa,
A destroyer of swathes of Kali‘s pollution,
Revealed Rādhā and the Prince of Vraja’s
Extraordinary prior attachment (pūrvarāga),
[Her] Jealous anger (māna),
Kṛṣṇa’s dwelling abroad (pravāsa),
And [their] other varieties of enjoyment together (sambhoga)
Manifest from an abundance of uninhibited love (praṇaya)
Which the best of bhaktas sing of,
Perspiring,
[Their] Bodies horripilating,
[Their] Eyes flooded with tears.
वैराग्यं विधिरागभक्तिममलान्नाना रसान्द्वादश
प्रेमानं व्रजवासिनां शुकमुखैर्विप्रर्षिभिः संस्तुतम् ।
गोपीनां परमां लसत्परमहाभावां समर्थां रतिं
राधायामिह मादनं वद सखे को वेत्ति रूपं विना ॥२८॥
vairāgyaṁ vidhi-rāga-bhaktim amalān nānā-rasān dvādaśa
premānaṁ vraja-vāsināṁ śuka-mukhair vipra-rṣibhiḥ saṁstutam |
gopīnāṁ paramāṁ lasat-para-mahābhāvāṁ samarthāṁ ratiṁ
rādhāyām iha mādanaṁ vada sakhe ko vetti rūpaṁ vinā ||28||
O friend,
Pray tell,
Who here [in this world] would understand
Non-attachment (vairāgya),
Vidhi- and rāga-bhakti [i.e., vaidhī- and rāgānugā-bhakti],
The twelve different taintless rasas,
The prema of the residents of Vraja
Highly praised by the learned seers led by Śuka,
The gopīs’ paramount “capable attachment” (samartha-rati)
Which shines ultimately as mahābhāva,
Or the mādana [i.e., the mādanākhyā-mahābhāva, manifest] in Rādhā
Without Rūpa?
श्रीगोवर्द्धनयज्ञवैभवभरं श्रीरासलीलोत्सवं
श्रीराधाभिसृतिं कृतव्रजवधून्मादां प्रमोदान्विताम् ।
गीतालीं ललिताष्टकं निरूपमश्रीकृष्णनामस्तुतिं
रूपः स्वीयकृते दयालुमुकुटः प्रादुश्चकार प्रभुः ॥२९॥
śrī-govardhana-yajña-vaibhava-bharaṁ śrī-rāsa-līlotsavaṁ
śrī-rādhābhisṛtiṁ kṛta-vraja-vadhūnmādāṁ pramodānvitām |
gītālīṁ lalitāṣṭakaṁ nirūpama-śrī-kṛṣṇa-nāma-stutiṁ
rūpaḥ svīya-kṛte dayālu-mukuṭaḥ prāduścakāra prabhuḥ ||29||
The master Rūpa,
The crown of the gracious,
Presented in his writing [viz., Stava-mālā]
The immense greatness of the sacrifice for beautiful Govardhana,
The beautiful festival of rāsa-līlā,
The beautiful trysts with Rādhā,
The maddening of Vraja’s ladies,
Delightful songs,
A poem of eight verses about Lalitā [viz., the Lalitāṣṭakam],
And incomparable praise of the beautiful names of Kṛṣṇa [viz., the Nāmāṣṭakam].
छन्दोभिर्विविधैर्व्रजेन्द्रतनयं कः स्तोतुमत्र क्षमः
कः शौरिं विरुदावलीप्रभृतिभिः स्तोत्रैर्मनस्यानयेत् ।
जानीते मधुरं सगोष्ठविपिनं राधां च कृष्णं मुदा
को मर्त्यः परमानुरागनिचितं दीनेषु रूपं विना ॥३०॥
chandobhir vividhair vrajendra-tanayaṁ kaḥ stotum atra kṣamaḥ
kaḥ śauriṁ virudāvalī-prabhṛtibhiḥ stotrair manasy ānayet |
jānīte madhuraṁ sagoṣṭha-vipinaṁ rādhāṁ ca kṛṣṇaṁ mudā
ko martyaḥ paramānurāga-nicitaṁ dīneṣu rūpaṁ vinā ||30||
Who in this world is able to praise
The Prince of Vraja with [verses in] various meters,
Who can bring Śauri [i.e., Kṛṣṇa] into the heart
With hymns like the Virudāvalī [i.e., the Govinda-virudāvalī],
And what mortal among the indigent
Joyfully understands sweet Rādhā and Kṛṣna
Along with their village and forest,
Without Rūpa—
He who is replete with paramount loving attachment (anurāga)?
पूर्वाचार्यकृताः श्रुतिस्मृतिनुता युक्त्याचिताः कर्कशै-
र्वादैर्भ्रान्तिनिवारका दृढतराः सिद्धान्तसङ्घा भुवि ।
सन्तु श्रीशुकवाक्यसिन्धुममलं संमथ्य गौराज्ञया
स्वीयान्रूपमृते प्रपाययति कः श्रीकृष्णलीलासुधाम् ॥३१॥
pūrvācārya-kṛtāḥ śruti-smṛti-nutā yukty-ācitāḥ karkaśair
vādair bhrānti-nivārakā dṛḍhatarāḥ siddhānta-saṅghā bhuvi |
santu śrī-śuka-vākya-sindhum amalaṁ saṁmathya gaurājñayā
svīyān rūpam ṛte prapāyayati kaḥ śrī-kṛṣṇa-līlā-sudhām ||31||
Scores of very firm doctrines (siddhāntas)
Authored by previous ācāryas,
Corroborated by the Śrutis and Smṛtis,
Loaded with fine reasoning,
And refutative of misconceptions with sharp arguments
May exist in this world.
[But] Who on the order of Gaura
Has churned the taintless ocean of blessed Śuka’s statements [i.e., Śrīmad Bhāgavatam]
And caused those who are his own to drink
The nectar of Kṛṣṇa’s beautiful līlās
Other than Rūpa?
चैतन्यानुगृहीतवर्यमतिना वृन्दाटवीवासिना
येन प्रेमसुधातिमत्तहृदयं विश्वं प्रचक्रेऽधुना ।
तं रूपं श्रय राधिकाप्रियकथां गायन्वस त्वं व्रजे
कर्मज्ञानपरान्नरान्हस सखे वंभ्रम्यसे किं वहिः ॥३२॥
caitanyānugṛhīta-varya-matinā vṛndāṭavī-vāsinā
yena prema-sudhātimatta-hṛdayaṁ viśvaṁ pracakre’dhunā |
taṁ rūpaṁ śraya rādhikā-priya-kathāṁ gāyan vasa tvaṁ vraje
karma-jñāna-parān narān hasa sakhe vaṁbhramyase kiṁ bahiḥ ||32||
Take shelter
In he residing in Vṛndāvana
And of most excellent devotion [alt., understanding] accepted by Caitanya
By whom the world has now been made
Of heart deeply inebriated by the nectar of prema—
Rūpa.
Sing narrations of Rādhikā’s Beloved.
Reside in Vraja.
And laugh at people engaged in karma and jñāna.
O friend,
Why do you roam about outside?
विद्यारूपकुलादिगर्वसहितः संसारमार्गान्तरे
किं रे भ्राम्यसि दारसूनुरतस्तूर्णं मृतिं चिन्तय ।
आगत्य व्रजभूमिमुन्मदतमौ राधामुकुन्दौ भज
श्रीरूपं श्रय गौरचन्द्रचरणाम्भोजं मनस्यानय ॥३३॥
vidyā-rūpa-kulādi-garva-sahitaḥ saṁsāra-mārgāntare
kiṁ re bhrāmyasi dāra-sūnu-ratas tūrṇaṁ mṛtiṁ cintaya |
āgatya vraja-bhūmim unmadatamau rādhā-mukundau bhaja
śrī-rūpaṁ śraya gauracandra-caraṇāmbhojaṁ manasy ānaya ||33||
Hey!
Why do you roam on the path of saṁsāra
Preoccupied with wife and son
And possessed of pride in your learning, body, ancestry, and so on?
Quickly think of death.
Come to the land of Vraja
And worship Rādhā and Mukunda,
Who are most maddened [with love].
Take shelter in blessed Rūpa,
And bring the lotus feet of Gauracandra into your heart.
नो जन्मानि गतानि ते कति सखे तीर्यङ्नृदेवादिकाः
योनीः प्राप्नुवतः कथं पतसि हा मोहान्धकूपान्तरे ।
तत्तूर्णं भज रूपपादयुगलं श्रीराधिकामाधवौ
नित्यं चिन्तय मा वृथा क्षिप परं मानुष्यरत्नं भुवि ॥३४॥
no janmāni gatāni te kati sakhe tīryaṅ-nṛ-devādikāḥ
yonīḥ prāpnuvataḥ kathaṁ patasi hā mohāndha-kūpāntare |
tat tūrṇaṁ bhaja rūpa-pāda-yugalaṁ śrī-rādhikā-mādhavau
nityaṁ cintaya mā vṛthā kṣipa paraṁ mānuṣya-ratnaṁ bhuvi ||34||
O friend,
How many births
As an animal, human, deva, and so on
Have you not had?
Hā!
Why having received these births
Do you fall into the dark well of delusion?
[Because you neglect to devote yourself to the worship of Bhagavān].
Therefore, quickly worship the feet of Rūpa.
Think always of beautiful Rādhikā and Mādhava.
Do not foolishly throw away
The great jewel of human life on this earth.
अलं तीर्थैर्दानैरलमहह योगैः सनियमै-
र्यमैः साङ्ख्येनालं किमु विरसया मुक्तिकथया ।
अहो भोगैः किं वा विहितभवपातैः सुवितथैः
सदा रूपादिष्टव्रजमिथुनलीलाः स्मर सखे ॥३५॥
alaṁ tīrthair dānair alam ahaha yogaiḥ saniyamair
yamaiḥ sāṅkhyenālaṁ kim u virasayā mukti-kathayā |
aho bhogaiḥ kiṁ vā vihita-bhava-pātaiḥ suvitathaiḥ
sadā rūpādiṣṭa-vraja-mithuna-līlāḥ smara sakhe ||35||
Enough with sacred places (tīrthas).
Enough with charities.
Ahaha!
Enough with yogas,
Along with restraints (yamas) and regulations (niyamas),
And discrimination between elements (sāṅkhya).
Indeed, what of tasteless (virasa) discussion of mukti?
Aho!
And what of completely vain objects of enjoyment
Because of which downfall in material existence becomes destined?
[Enough with all of these once and for all!]
[Instead] Always remember the līlās of Vraja’s Couple taught by Rūpa,
O friend!
किं शास्त्रविविधैर्मनो भ्रमकरैर्द्वेषादिदोषाकरे
संसारे परिणामतोऽतिविरसे वंभ्रम्यसे मोहतः ।
राधामाधवकेलिवर्षविपुलं श्रीकृष्णतृष्णाकुलं
रूपग्रन्थचयं विलोकय सखे पथ्यं च तथ्यं ब्रुवे ॥३६॥
kiṁ śāstra-vividhair mano-bhrama-karair dveṣādi-doṣākare
saṁsāre pariṇāmato’tivirase vaṁbhramyase mohataḥ |
rādhā-mādhava-keli-varṣa-vipulaṁ śrī-kṛṣṇa-tṛṣṇākulaṁ
rūpa-grantha-cayaṁ vilokaya sakhe pathyaṁ ca tathyaṁ bruve ||36||
Why out of delusion do you roam about
In this mine of enmity and so on—
This world of transmigration (saṁsāra) ultimately utterly devoid of taste (rasa)—
Because of various śāstras that [just] mislead the mind?
[Instead,] Study the multitude of Rūpa’s works,
Which are abundant with showers of Rādhā and Mādhava’s play
And filled with blessed thirst for Kṛṣṇa,
O friend,
I am telling [you] the provisions for the journey [on the path of saṁsāra]
And the truth.
प्राप्तस्त्वं मरणं भविष्यसि यदा कान्ता तनुजोऽथवा
भ्राता गेहमिदं धनं किमु सखे सङ्गे तदा यास्यति ।
मा व्यर्थं कुरु चिन्तया वितथया जन्मेदृशं दुर्लभं
श्रीरूपं ससनातनं श्रय सदा गौराङ्गदेवं भज ॥३७॥
prāptas tvaṁ maraṇaṁ bhaviṣyasi yadā kāntā tanujo’thavā
bhrātā geham idaṁ dhanaṁ kim u sakhe saṅge tadā yāsyati |
mā vyarthaṁ kuru cintayā vitathayā janmedṛśaṁ durlabhaṁ
śrī-rūpaṁ sa-sanātanaṁ śraya sadā gaurāṅga-devaṁ bhaja ||37||
When you will undergo death,
O friend,
Will this wife, son, brother, house, or wealth [of yours] go with [you]?
Do not waste such a rare birth
[As a human being as you have received]
With futile worry [about relatives, possessions, and so on].
Always take shelter in blessed Rūpa along with Sanātana,
And worship Gaurāṅgadeva.
दुर्दान्तेन्द्रियसञ्चयेन रभसादाकृष्यमानः सखे
संसारे खलु तावदेव निविडां प्राप्नोषि पीडां मुहुः ।
तावद्घोरकलिव्यथावृतमतिस्त्वं वञ्चितोऽसि ध्रुवं
यावद्रूपपदाम्बुजातयुगलं नायाति चित्तं तव ॥३८॥
durdāntendriya-sañcayena rabhasād ākṛṣyamānaḥ sakhe
saṁsāre khalu tāvad eva niviḍāṁ prāpnoṣi pīḍāṁ muhuḥ |
tāvad ghora-kali-vyathā-vṛta-matis tvaṁ vañcito’si dhruvaṁ
yāvad rūpa-padāmbujāta-yugalaṁ nāyāti cittaṁ tava ||38||
Being strongly attracted
By the difficult to control senses,
O friend,
Indeed for so long you certainly will repeatedly
Undergo severe suffering,
And for so long you will be of heart beset
With the frightful anguish of Kali
And constantly deprived,
So long as your mind
Does not come to the two lotus feet of Rūpa.
किं नित्यं परिचिन्तयस्यपि मनः स्वर्गं यशश्च क्षमां
राज्यं ब्रह्मसुखं च निर्मलतरां वैकुण्ठलोकस्थितिम् ।
वृन्दाकाननकुञ्जलम्पटयुवद्वन्द्वस्पृहार्तिप्रदं
श्रीरूपं भज न त्यज व्रजभुवं गर्वं च सर्वं क्षिप ॥३९॥
kiṁ nityaṁ paricintayasy api manaḥ svargaṁ yaśaś ca kṣamāṁ
rājyaṁ brahma-sukhaṁ ca nirmalatarāṁ vaikuṇṭha-loka-sthitim |
vṛndākānana-kuñja-lampaṭa-yuva-dvandva-spṛhārti-pradaṁ
śrī-rūpaṁ bhaja na tyaja vraja-bhuvaṁ garvaṁ ca sarvaṁ kṣipa ||39||
O Mind!
What are you always thinking of?
Svarga? Fame? Power?
Kingdom? The bliss of Brahman?
[Even] more pure residence in the plane of Vaikuṇṭha?
[Let all that be.]
Worship the bestower of longing and heartache
For the covetous Youthful Couple in the bowers of Vṛndāvana—
Blessed Rūpa.
Do not leave the land of Vraja.
And throw away all pride.
स्त्रीपुत्रादिकबन्धुसञ्चयमिह त्वं नश्वरं चिन्तय
ब्रह्माणं द्विपरार्द्धसंस्थमपि तं कालाहिवक्त्रस्थितम् ।
मानुष्यं सुरदुर्लभं कलय रे चित्त त्यजान्याः कथाः
श्रीरूपं वृषभानुजाङ्घ्रिनलिनासक्तद्विरेफं स्मर ॥४०॥
strī-putrādika-bandhu-sañcayam iha tvaṁ naśvaraṁ cintaya
brahmāṇaṁ dviparārddha-saṁstham api taṁ kālāhi-vaktra-sthitam |
mānuṣyaṁ sura-durlabhaṁ kalaya re citta tyajānyāḥ kathāḥ
śrī-rūpaṁ vṛṣabhānujāṅghri-nalināsakta-dvirephaṁ smara ||40||
You should consider your multitude of relatives in this world
Beginning with your wife and son
To be transitory.
Brahmā, who abides for two parārdhas [i.e., 200,000 billions of years]—
Even he is situated in the mouth of the serpent of death.
Know human life
To be rare to attain [even] for the suras [i.e., the devas of Svarga and sages of the higher planes].
O Mind!
Relinquish other talks,
And remember the elephant fixated upon the lotus
Of the feet of Vṛṣabhānu’s Daughter—
Blessed Rūpa.
मोहं प्राप्नुहि मा कलेवरभरे विट्कीटभस्मोत्तरे
सर्वग्रासिपिशाचिकावनितया नो वञ्चय स्वं जनुः ।
पार्श्वं मुञ्च मनः सदा विषयिनां योषित्सु तृष्णाजुषां
रूपं किं न भजस्यये व्रजयुवद्वन्द्वामलप्रीतिदम् ॥४१॥
mohaṁ prāpnuhi mā kalevara-bhare viṭ-kīṭa-bhasmottare
sarva-grāsi-piśācikā-vanitayā no vañcaya svaṁ januḥ |
pārśvaṁ muñca manaḥ sadā viṣayināṁ yoṣitsu tṛṣṇā-juṣāṁ
rūpaṁ kiṁ na bhajasyaye vraja-yuva-dvandvāmala-prītidam ||41||
Do not undergo delusion
Because of the burden of the body,
The end of which is in feces, insects, and ashes.
Do not desire your own birth
With an all-devouring female fiend.
O Mind,
Always avoid the vicinity
Of sensualists who foster desire for women.
Why do you not worship Rūpa,
The bestower of pure love
For the Youthful Couple of Vraja?
साहङ्कारतया भयान्वितमतिर्नो वैष्णवावज्ञया
गोपालेन्द्रतनुजपूजनविधिर्जानामि नाहं मनाक् ।
गेहे लीनमतिः प्रवीणमनसः स्वं मन्यमानोऽधमं
कां गतास्मि न वेद्मि हन्त कुगतिं श्रीरूप संरक्ष माम् ॥४२॥
sāhaṅkāratayā bhayānvita-matir no vaiṣṇavāvajñayā
gopālendra-tanuja-pūjana-vidhir jānāmi nāhaṁ manāk |
gehe līna-matiḥ pravīṇa-manasaḥ svaṁ manyamāno’dhamaṁ
kāṁ gatāsmi na vedmi hanta kugatiṁ śrī-rūpa saṁrakṣa mām ||42||
I do not understand the process of worship
Of the Prince of the cowherds in the least.
[Although] Of mind absorbed in household life,
I consider my lowly self to be of astute mind.
Hanta!
I do not know
What bad path I have gone down.
O blessed Rūpa!
Please protect me.
श्रीराधे व्रजराजसूनुपदवीन्यस्तेक्षणे गोकुल-
स्त्रीरूपाभिमतिप्रतारणपटुश्रीपादपद्मद्युते ।
वृन्दारण्यनिवासकारणदये कारुण्यपूर्णान्तरे
श्रीरूपाङ्घ्रिरजोनिविष्टमनसं मां सर्वदा त्वं कुरु ॥४३॥
śrī-rādhe vraja-rāja-sūnu-padavī-nyastekṣaṇe gokula-
strī-rūpābhimati-pratāraṇa-paṭu-śrī-pāda-padma-dyute |
vṛndāraṇya-nivāsa-kāraṇadaye kāruṇya-pūrṇāntare
śrī-rūpāṅghri-rajo-niviṣṭa-manasaṁ māṁ sarvadā tvaṁ kuru ||43||
O blessed Rādhā!
O you whose sight is fixed
On Prince of Vraja’s path!
O you the luster of whose beautiful lotus feet
Is capable of foiling
The women of Gokula’s conceit in their beauty!
O you whose grace is the cause of residence in Vṛndāvana!
O you whose heart is filled with compassion!
May you always make me
Of mind fixed upon the dust of blessed Rūpa’s feet.
त्वत्तोऽन्ये समवाप्य सन्तु मनुजाः पूर्णा निजाभीप्सितं
श्रीराधाकुचकुट्मलान्तरमणे गोविन्द नन्दात्मज ।
धृत्वा दन्ततले तृणं मुहुरिदं याचे दयालो सदा
धूलिस्स्यामिह जन्मजन्मनि विभो श्रीरूपपादाब्जयोः ॥४४॥
tvatto’nye samavāpya santu manujāḥ pūrṇā nijābhīpsitaṁ
śrī-rādhā-kuca-kuṭmalāntara-maṇe govinda nandātmaja |
dhṛtvā danta-tale tṛṇaṁ muhur idaṁ yāce dayālo sadā
dhūlis syām iha janma-janmani vibho śrī-rūpa-pādābjayoḥ ||44||
Let other human beings become fulfilled
By obtaining from you their own desired object.
O jewel atop the opening buds of blessed Rādhā’s breasts!
O Govinda!
O Son of Nanda!
Repeatedly holding a blade of grass on the surface of my teeth,
I begs for this continuously,
O Gracious One!
O Lord!
Birth after birth here [in this world],
May I be a particle of dust
On the lotus feet of blessed Rūpa.
कुञ्जे मञ्जुलवञ्जुले मृदुतरं गुञ्जद्द्विरेफोच्चये
केकाभिर्विरुते हरिमणितले यूथीभिरामोदिते ।
राधागोकुलनागरौ प्रविलसत्कल्पद्रुमाधः स्थितौ
दोले दोलयितुं यदीच्छसि मुदा तर्ह्याशु रूपं भज ॥४५॥
kuñje mañjula-vañjule mṛdutaraṁ guñjad-dvirephoccaye
kekābhir virute hari-maṇi-tale yūthībhir āmodite |
rādhā-gokula-nāgarau pravilasat-kalpadrumādhaḥ sthitau
dole dolayituṁ yadīcchasi mudā tarhy āśu rūpaṁ bhaja ||45||
If on a swing
Above an emerald floor
In a bower of charming aśoka trees
Endued with a swarm of very gently buzzing bees,
Resounding with [the calls of] peacocks,
And perfumed with jasmine flowers
You desire to joyfully swing
Rādhā and the Paramour of Gokula
Situated at the base of a shining desire-tree,
Then quickly worship Rūpa.
वृन्दारण्यनिकुञ्जरन्ध्रविलसन्नेत्रः सखीरूपवान्
स्तम्भस्वेदविवर्णतायुततनुः कम्पाश्रुरोमाञ्चितः ।
राधामाधवकेलिवारिधिरसं पातुं समुत्कण्ठसे
त्वं चेद्रूपपदाम्बुजं भज सखे तर्हि प्रतीत्यादृतः ॥४६॥
vṛndāraṇya-nikuñja-randhra-vilasan-netraḥ sakhī-rūpavān
stambha-sveda-vivarṇatā-yuta-tanuḥ kampāśru-romāñcitaḥ |
rādhā-mādhava-keli-vāridhi-rasaṁ pātuṁ samutkaṇṭhase
tvaṁ ced rūpa-padāmbujaṁ bhaja sakhe tarhi pratītyādṛtaḥ ||46||
If bearing the form of a sakhī
With eyes shining through the openings
In a bower in Vṛndāvana,
And a body replete with stupor, perspiration, discoloration,
As well as trembling, tears, and horripilation,
You long to drink
The rasa of the ocean of Rādhā and Mādhava’s play,
Then,
O friend,
Being eager by virtue of conviction [alt., clear apprehension, or, delight]
Worship the lotus feet of Rūpa.
राधाकुण्डतटे समञ्जुलतमे वासन्तिकाभिर्मुदा
पुष्पालीं वनमालिकाविरचनयाचिन्वतीं कौतुकात् ।
रुन्धन्तं बत राधिकामतितरां तुष्यन्तमन्तर्मुहुः
कृष्णं भर्त्सयितुं यदीच्छसि सखे त्वं तर्हि रूपं श्रय ॥४७॥
rādhā-kuṇḍa-taṭe samañjulatame vāsantikābhir mudā
puṣpālīṁ vana-mālikā-viracanayācinvatīṁ kautukāt |
rundhantaṁ bata rādhikām atitarāṁ tuṣyantam antar muhuḥ
kṛṣṇaṁ bhartsayituṁ yadīcchasi sakhe tvaṁ tarhi rūpaṁ śraya ||47||
If on bank of Rādhā Kuṇḍa,
Most charming with vāsantikā (hiptage) vines,
You desire to chastise Kṛṣṇa,
Who repeatedly becomes exceedingly pleased within
While blocking Rādhikā
As she out of mirth
Is delightedly picking flowers
For the purpose of stringing a forest garland,
Then,
O friend,
Take shelter in Rūpa.
कौलं धर्ममतीत्य भीतिमभितो घोरान्धकारं वनं
कालिन्दीं च पयोदसंप्लुतसृतिं सङ्केतकुञ्जालये ।
प्राप्तायाः सरजः पदाम्बुजयुगं गान्धर्विकाया निजैः
केशैर्मार्जियितुम्यदीच्च्छसि सखे तर्ह्येव रूपं भज ॥४८॥
kaulaṁ dharmam atītya bhītim abhito ghorāndhakāraṁ vanaṁ
kālindīṁ ca payoda-saṁpluta-sṛtiṁ saṅketa-kuñjālaye |
prāptāyāḥ sarajaḥ-padāmbuja-yugaṁ gāndharvikāyā nijaiḥ
keśair mārjiyitum yadīccchasi sakhe tarhy eva rūpaṁ bhaja ||48||
If you desire to wipe
With your own hair
The two soiled lotus feet of Gāndharvikā,
Who has reached the refuge of a bower for a tryst
After completely crossing over
Ancestral law,
Fear,
The frightfully dark forest,
The Kālindī [i.e., Yamunā],
And the path flooded with water [from heavily falling rain],
O friend,
Then indeed worship Rūpa.
चैतन्यप्रियपार्षदानुगमतिं श्रीकृष्णसेवारतं
ये स्वीयं गुरुमाश्रिता अपि पुनस्त्यक्ता गता उत्पथम् ।
तैर्ग्रस्तैः कलिना खलैर्नहि कदाप्यस्तु भ्रमात्सङ्गति-
र्हा श्रीरूप तथा सनातनविभो बद्धाञ्जलिः प्रार्थये ॥४९॥॥
caitanya-priya-pārṣadānuga-matiṁ śrī-kṛṣṇa-sevā-rataṁ
ye svīyaṁ gurum āśritā api punas tyaktā gatā utpatham |
tair grastaiḥ kalinā khalair nahi kadāpy astu bhramāt saṅgatir
hā śrī-rūpa tathā sanātana-vibho baddhāñjaliḥ prārthaye ||49||
May association with those scoundrels seized by Kali,
Who even after being sheltered in their own guru
Possessed of resolve following to the dear companions of Caitanya
And devoted to the worship of Śrī Kṛṣṇa,
Nevertheless are rejected
And go down a wrongful path,
Never occur
[Even] By mistake.
Hā!
Blessed Rūpa and Master Sanātana!
With joined palms, I pray [for this].
Meter
Mostly Śārdūla-vikrīḍitam
Sources
Śrī Govardhana Bhaṭṭa Granthāvalī (Bengali) published by Gopī-śaraṇa Dāsa and Śrī Govardhana Bhaṭṭa Granthāvalī (Hindi) published by Kṛṣṇa Dāsa of Kusuma Sarovara.